2015-йилда Зулфиқор Мусоқов томонидан суратга олинган, Оʻзбекфилм киностудиясида ишлаб чиқарилган Оʻзбекистон комедия, мелодрама филми. Филмда Ҳусан Шарипов, Раʼно Зокирова, Шаҳзода Матчонова, Фарҳод Абдуллаев, Мирза Азизов ва Беҳзод Ҳамроев каби Оʻзбекистоннинг таниқли актёрлар рол оʻйнашган. Филмда бир аҳил қишлоқ оиласи, илк муҳаббат, Ватанга, ота-онага муҳаббат ҳақида ҳикоя қилинади. Экспертлар филмни буюк италян кинорежиссори Ф. Феллинининг „Амаркорд“ (1973) бадиий филмига оʻхшатмоқда. Бироқ манбада филмнинг айнан қайси жиҳатлари оʻхшатилгани ҳақида маʼлум қилинмаган.