Менинг акам буйдок
Mening akam bo'ydoq
"Менинг акам бўйдоқ" кинокартинаси режиссори Алишер Узоқов, филм продюсери Миржамол Мирзааҳмедов ҳисобланишади. Филмни дунёга келишига энг асосий ишни айнан мана шу икки инсон амалга оширди, десак муболаға бўлмаса керак. Албатта, улардан ташқари кўплаб ижодий жамоа вакиллари, актёр ва актрисаларнинг ҳам ҳиссаси жуда катта. Филм дарҳақиқат оилавий томоша қилиш учун мўлжалланган бўлиб, асосийси унда мажбуран кулдириш учун турли хил ҳаракатлардан фойдаланилмаган. Филмнинг асосий ютуғи ҳам сўзлар бойлигида бўлган бўлса ажаб эмас. "Менинг акам бўйдоқ" картинасидаги асосий қаҳрамонларни Алишер Узоқов ҳамда Мадина Мумтоз талқин этишган. Алишернинг ижросига доимгидек гап-сўз бўлиши мумкин эмас. Мадина Мумтознинг ижроси эса доимгиданда юқорироқ даражада амалга ошган. Хуллас, мазкур филм ҳақида гапирса гап кўп, аммо уни бир бор томоша қилганга ҳеч нарса етмайди.
